Jennifer Lopez ka treguar për një situatë të frikshme që i ka ndodhur gjatë xhirimeve të filmit të saj të ri “Shotgun Wedding” në Republikën Domenikane.
Lopez ka thënë se kishte një përvojë pothuajse afër vdekjes kur ajo për pak sa nuk ra mbi një shkëmb.
Mësohet se Josh Duhamel, aktori i cili ishte në skenë me Lopez-in në ato momenti, i erdhi në ndihmë duke u mbajtur për ta shpëtuar nga rënia, shkruan Daily Mail.
Historia e tmerrshme u bë publike kur kasti i aktorëve të filmit po bënte lojën “Who's Who” në BuzzFeed, gjatë së cilës ata zbuluan se cilët prej tyre ishin më të merituarit për disa tituj.
“Vërtet, u ndjeva sikur ia dolëm shumë mirë. Sidomos kur ishim të prangosur së bashku dhe duhej të bënim të gjitha ato gjëra të çmendura. Me përjashtim të një rasti kur pothuajse rashë mbi shkëmb”, u shpreh aktorja 53-vjeçare.
JLo zbuloi se aksidenti i frikshëm gati ndodhi kur fustani i saj ishte i kapur në rrotën e veturës gjatë një prej skenave kryesore.
“Shotgun Wedding”, në të cilin luajnë edhe Sônia Braga, Jennifer Coolidge, Lenny Kravitz, Cheech Marin dhe D'Arcy Carden, ndër të tjera, u shfaq premierë në Amazon Prime Video më 27 janar.
