Showbiz

Amber Rose e zhgënjyer nga burrat

Modelja 39-vjeçare, Amber Rose, e cila në të kaluarën ka qenë në lidhje me reperin, Kanye West, dhe e martuar me Wiz Khalifa,, ka kohë që po përballet me vështirësi në fushën e dashurisë dhe tani, Amber këmbëngul se është plotësisht e zhgënjyer për gjetjen e dashurisë kështu që po planifikon të qëndrojë beqare për një kohë të pacaktuar.

Në një intervistë për podcastin “Sofia with an F”, ajo i tha prezantuese Sofia Franklyn: “Skena e takimeve romantike është më keq se kurrë. Burrat të cilët janë të interesuar për të krijuar lidhje janë të neveritshëm dhe vulgarë. Prandaj dua të jem beqare për gjithë jetën”.

Amber – e cila e ka një djalë me Wiz Khalifan dhe një tjetër me ish-të dashurin Alexander Edwards – tutje deklaroi: “Nuk dua ta ndajë shtëpi apo jetën time me askënd. Nuk dua burra të kotë në jetën e fëmijëve të mi. nuk dua të kem marrëdhënie. Jam shumë e lumtur e vetme në shtratin tim”.

Lidhja e fundit serioze e modeles ekzotike ishte me producentin muzikor, Alexander Edwards. Së bashku ata e sollën në jetë një fëmijë, Slash Electric, para se të ndaheshin përfundimisht në gusht të vitit 2021. Ajo po ashtu e ka djalin, Sebastian, me reperin e famshëm Wiz Khalifa. Kurse, Alexander së fundmi e zbuloi lajmin se është në lidhje dashurie me superyllin e muzikës pop, Cher.

Këngëtarja 76-vjeçare foli për romancën e tyre gjatë një paraqitjeje në emisionin, “The Kelly Clarkson Show”, duke pranuar se marrëdhënia me Alexanderin po shkon mire, pavarësisht diferencës 40-vjeçare në moshë.

“Në shikim të parë, është disi qesharake. Por në jetën reale, ne shkojmë shumë mire me njëri-tjetrin. Ai është përrallor. Dhe unë nuk u jap meshkujve cilësi që ata nuk i meritojnë. Alexander është shumë i sjellshëm, shumë i zgjuar, është shumë i talentuar dhe është vërtet qesharak. Po ashtu unë mendoj se ai është mjaft i pashëm dhe seksi”, kishte deklaruar Cher.

Kujtojmë se lidhja më e përfolur e Amber Rose, ishte ajo me Kanye Westin, por fatkeqësisht ajo përfundoi kur reperi i famshëm e braktisi atë për yllin televiziv, Kim Kardashian.