Lana Del Rey thotë se asaj iu grabit një çantë shpine që përmbante laptopin e saj, i cili kishte albumin e saj të ri në të.
Këngëtarja tha se bashkë me kompjuterin u vodhën edhe disa hard disk dhe një aparat fotografik.
“Disa muaj më parë, parkova veturën time në Melrose Place – në fakt Melrose Ave, në Los Anxhelos – dhe u largova për një minutë. Dhe një herë që lashë çantën time të shpinës brenda makinës time, dikush theu të gjitha xhamat dhe e mori atë”, ka shkruar del Rey në Instagram.
Ajo shtoi se një tjetër projekt, një libër për të cilin po punon, ishte vjedhur gjithashtu.
Artistja u kërkoi fansave të saj që të mos dëgjonin asnjë muzikë të rrjedhur dhe tha se do të vazhdojë të punojë në muzikë të re.
“Unë vetëm dua të përmend se pavarësisht gjithë kësaj që po ndodh, kam besim në ingjizimin që do të vijë, pavarësisht nga kaq shumë faktorë sigurie në kaq shumë nivele të ndryshme. Unë me të vërtetë dua të ngul këmbë dhe të bëj ingjizimin më të mirë që mundem”, ka shtuar ajo.
Këngëtarja 37-vjeçare ka thënë po ashtu se asnjëherë më nuk do të bëjë gabim duke lënë gjëra në veture.
© KOHA. Të gjitha të drejtat janë të rezervuara.
