Era Istrefi e Don Xhoni me fjalë të ëmbla për njëri-tjetrin
Era Istrefi dhe Don Xhoni do ta publikojnë të enjten vonë bashkëpunimin e tyre të parë.
Dyshja është parë e afërt së fundmi, me një video që qarkulloi këtë muaj në rrjete sociale ku ata shiheshin duke u përqafuar.
Më vonë u kuptua që ata po bashkëpunojnë për një këngë, për titullin e së cilës ende nuk është bërë e ditur.
Ndërkaq një ditë para lansimit të projektit, si Era edhe Don Xhoni kanë postuar në llogaritë e tyre në Instagram fotografi të njëri-tjetrit shoqëruar me fjalë dashurie.
“E du se o bandit” – ka shkruar Era në foton e saj, teksa Don Xhoni ka shkruar “E bukur o, si ruse!”.
Këngëtari më herët ishte në lidhje me një modele ruse.
Nuk dihet nëse këto shprehje janë pjesë të këngës së tyre.
