Aktori Johnny Depp është në lidhje me Joelle Rich, avokate që e përfaqësoi atë në gjyqin e tij për shpifje në Mbretërinë e Bashkuar kundër gazetës “The Sun”, ka raportuar të enjten Page Six.
Sipas burimeve të Page Six, avokatja me bazë në Londër, është ende në proces shkurorëzimi.
Në fillim të kësaj vere, Depp, 59 vjeç, ndezi thashethemet për romancë me avokaten tjetër, Camille Vasquez, e cila e përfaqësoi atë në gjyqin e tij fitues për shpifje në SHBA, kundër ish-gruas së tij, Amber Heard.
Sidoqoftë, Vasquez shpejt i qetësoi thashethemet, duke i quajtur akuzat "seksiste" dhe "joetike".
“Unë kujdesem shumë për klientët e mi dhe padyshim që ne jemi afruar”, tha ajo për revistën “People” në qershor.
“Por kur them ‘ne’, kam parasysh të gjithë ekipin dhe sigurisht kjo përfshin Johnny-n”.
Vasquez vuri në dukje se ylli i "Pirates of the Caribbean" kishte qenë miku dhe klienti i saj për katër vjet e gjysmë.
“Është gjithashtu një akuzë joetike që po bëhet. Është seksiste. Është për të ardhur keq dhe është zhgënjyese”, ka shtuar Vasquez.
