Azet, Zuna dhe Dhurata Dora sjellin këngën e re “OEO”

Këngët me motive kombëtare janë gjithmonë të mirëpritura nga publiku. Andaj, nuk është për t’u befasuar me suksesin që po e merr projekti i ri i Dhurata Dorës, vetëm pak orë pas lansimit.

Këngëtarja kosovare e cila jeton në Gjermani, i ka bashkuar forcat me dy reperë jashtëzakonisht të suksesshëm në tregun evropian të muzikës, Azet dhe Zuna, për ta realizuar këngën “OEO”, e cila vjen e kompletuar edhe me një videoklip të mbushur me ngjyrat kuq e zi dhe ato të flamurit të Kosovës.