Rikthehet Cameron Diazi

Cameron Diaz do të paraqitet përkrah Jamie Foxxit në filmin e ri të Netflixit duke e kthyer aktoren e famshme nga pensionimi.

Foxx paralajmëroi filmin e ri, të titulluar “Back in Action” në një postim në twitter ku dëgjohej një thirrje audio mes tij, Diazit dhe Tom Bradyt, pensionimi i të cilit nga futbolli amerikan zgjati për 40 ditë.

Në një njoftim për publikun, Netflixi s’dha detaje për filmin e ardhshëm veçse tregoi se komedia-aksion është e krijuar nga Seth Gordon.

Diazi së fundmi u paraqit në vitin 2014, në rikrijimin e “Anniet”. Edhe aty Foxxi pati rol. Dyshja ka qenë bashkë edhe në “Any Given Sunday” të vitit 1999.

Incizimet e filmit do të nisin në fund të vitit, ka bërë të ditur Netflixi.