Olivia Rodrigo dhe Zack Bia janë çifti më i ri i showbizit
Foto: AP/Associated Press
Ylli i muzikës, Olivia Rodrigo, është në një lidhje të re dashurie.
Pop ylli 19-vjeçar, e cila në fillim të këtij viti u nda nga ish i dashuri Adam Faze, ka disa muaj që është fotografuar në publik në shoqërinë e të dashurit të ri, Zack Bia, por çifti nuk e zyrtarizoi lidhjen deri më tani. Besohet se ata janë së bashku nga shkurti i këtij viti, raporton portali “Female”.
Lajmi për këtë lidhje vjen disa javë pasi, Zack, me këmbëngulje deklaroi se ai dhe Olivia nuk janë çift, por do t’i pëlqente shumë ta kalojë çdo ditë me të.
Në vitin 2018, Zack Bia e themeloi kompaninë e pavarur incizuese, “Field Trip Recordings”, së bashku me James Cantonin. Publiku i gjerë e njeh atë më së miri nga pjesëmarrja në videoklipin e reperit Drake, “Money in the Grave”. Në të kaluarën ai ka qenë në lidhje dashurie me këngëtaren Madison Beer dhe yllin e serialit “Outer Banks”, Madelyn Cline.
Rodrigo debutoi në skenën e showbizit në vitin 2016 me rolet në projektet e kanalit “Disney”, “Bizaardvark” dhe “High School Musical: The Musical: The Series”. Ajo gjithashtu kishte kontribuar në kolonat zanore të këtyre serialeve televizive. Suksesin më të madh të karrierës e shënoi me publikimin e albumit debutues, “Sour”, i cili u rendit në pozitën e parë të toplistës se 200 albumeve më të mira “Billboard.
Disa prej hiteve më të mëdha të këngëtares janë, “Drivers License”, “Good 4 U”, “Déjà vu”, “Traitor” dhe “Favorite Crime”.
