Showbiz

Nick Cannon në pritje të fëmijës së tetë, e prej pak ditësh edhe të nëntit

Nick Cannon është duke pritur një fëmijë tjetër me Abby De La Rosa.

Aktori dhe ylli televiziv amerikan i cili është në pritje të fëmijës së tetë me modelen Bre Teisi, është duke e pritur fëmijën e nëntë me Abbyn, një vit pasi është bërë baba i binjakëve me të.

Abby e ka bërë vetë të ditur lajmin se është sërish shtatzënë dhe ndonëse nuk ka dhënë detaje se kush është babai, ajo ka lënë të kuptohet se mund të jetë sërish në pritje të binjakëve, shkruan Daily Mail të mërkurën.

Nick dhe Abby janë bërë prindër të binjakëve, djemve Zillion Heir dhe Zion Mixolydian, të cilët janë lindur në qershor të vitit 2021.

Ndërkohë, e dashura tjetër e Nick, modelja Bre është shtatzënë me fëmijën e tij të tetë. Nick dhe Bre janë parë bashkë në janar të këtij viti, ku edhe është bërë publike gjinia e fëmijës. Kjo ka ndodhur vetëm pak javë pasi djali i tij Zen, ka vdekur tragjikisht nga kanceri i trurit, kur ishte vetëm pesë muajsh.

Nick është po ashtu baba i vajzës Poërful Queen 18-muajshe dhe djalit Golden Sagon 5 vjeç me Miss Guam, Brittany Bell.

Nick është po ashtu baba i binjakëve 10-vjeçarë, Moroccan dhe Monroe, nga martesa e tij gjashtëvjeçare me divën e muzikës, Mariah Carey, e cila përfundoi në vitin 2016.

Në episodin e parë të "The Nick Cannon Shoë", ai deklaroi se po përpiqej të qëndronte beqar deri në vitin 2022, pasi kishte katër fëmijë me tri gra midis viteve 2020 dhe 2021.