Showbiz

Camila Cabello i quan të pasjellshëm fansat e Liverpoolit dhe Real Madridit

Këngëtarja e njohur latine, Camila Cabello, i ka kritikuar adhuruesit |e pasjellshëm” të futbollit, për faktin se kishin kënduar gjatë performancës së saj në finalen e Ligës së Kampionëve, e cila u mbajt të shtunën mbrëma.

Në ngjarjen e rëndësishme sportive e cila u mbajt në stadiumin “Stade de France” në Paris, pop ylli i famshëm i performoi disa prej hiteve të saja muzikore, por performanca e Cabellos u pengua nga brohoritjet e larta të mbështetësve të dy skuadrave, të cilët i këndonin himnet e tyre në vend që ta dëgjonin muzikën e saj.

Përmes disa postimeve në Twitter të cilat më pas i fshiu, ish-anëtarja e grupit “Fifth Harmony” deklaroi: “Po e dëgjoj performancën tonë dhe nuk mund ta besojë që njerëzit po i këndonin himnet e ekipeve finaliste me zë aq të lartë, gjatë kohës sa ne ishim në skenë. Unë bashkë me ekipin tim kemi punuar aq shumë dhe për një kohë të gjatë, vetëm për t’ua sjell juve atmosferën e duhur dhe për t’ua dhuruar një shou të bukur. Shumë veprim i pasjellshëm nga ana e tifozëve, por sidoqoftë. Jam e lumtur që kishte njerëz që e shijuan këtë performancë”.

Gjatë shkëmbimit të mesazheve në internet, një nga ndjekësit e Camilas u përpoq t’ia shpjegonte asaj se tifozët e futbollit nuk po tregoheshin qëllimisht të pasjellshëm, ata thjesht po mbështesnin me pasion ekipet e tyre të preferuara.

“Vetëm që ta dish, adhuruesit evropian të sportit janë tejet të pasionuar. Shumë prej këtyre tifozëve jetojnë për ekipet e vendit të tyre, dhe futbolli është një stil jete për ta. Këtu nuk është sikur në Amerikë, ku njerëzit më shumë janë të interesuar t’i shohin performancat e yjeve, sesa lojën. Prandaj, ankesa jote më duket pak qesharake. Ajo çfarë ndodhi nuk ishte faji yt, por kjo nuk qon peshë në Evropë. Këtu, gjithçka ka të bëjë me atmosferën e krijuar nga tifozët”, kishte shkruar një adhurues i këngëtares.

Fillimi i lojës finale u vonua për gjysmë orë për shkak të disa problemeve që ndodhën jashtë stadiumit, me ç’rast policia franceze u akuzua për përdorim të gazit lotsjellës ndaj fansave të Liverpoolit, të cilët po prisnin të hynin brenda në stadium.

Kjo vonesë bëri që edhe performanca e Cabellos të shtyhej për ca kohë.

Muajin e kaluar, Camila e publikoi albumin e tretë të incizuar në studio me titull “Familia”, për të cilin tha se, procesi i realizimit të tij ia ka shpëtuar jetën. Disa prej këngëve më të suksesshme të këtij incizimi janë: “Bam Bam”, “Don’t Go Yet” dhe “Oh Na Na”.

Çdo vit, ceremonia hapëse e Ligës së Kampionëve përfshinë yje të njohur të muzikës, të tillë si Dua Lipa, Alicia Keys, grupi “Black Eyed Peas” dhe DJ Marshmello. Shou do të transmetohet në më shumë se 200 shtetet të botës, para se të filloja loja finale.