Publikohen sekuencat e para të filmit të ri “Avatar: The Way of Water”
Është publikuar traileri i parë i filmit të ardhshëm “Avatar: The Way of Water” dhe adhuruesit nuk kanë mbetur të zhgënjyer me atë që pritat t’ua shërbejë ky projekt fantastiko-shkencor.
Duke qenë vazhdimi i dytë i filmit më fitimprurës në historinë e kinematografisë, pritshmëritë për “Avatar 2” janë të mëdha dhe kështu regjisori, James Cameron, ka marrë kohën e tij për ta përsosur atë që pritet të jetë një nga përvojat më mahnitëse të ekranit të madh të të gjitha kohërave, raportoi të martën portali “Female”.
“The Way of Water” do të fokusohet në personazhet, Jake Sully, Neytiri dhe fëmijët e tyre, si dhe zë vend 12 vjet pas ngjarjes së filmit të parë të lansuar në vitin 2009. Duke qenë të gatshëm ta marrin çdo masë të nevojshme për ta mbrojtur njëri-tjetrin, ata duhet të luftojnë për të qëndruar gjallë dhe për ta përballuar tragjedinë, në një luftë për një të ardhme më të mirë.
Përveç si regjisor, James Cameron po ashtu vjen në rolin e producentit të filmit krahas Jon Landau. Zoe Saldana dhe Sam Worthingtona rikthehen në rolet protagonist, krahas aktorëve tjerë si, Sigourney Weaver, Stephen Lang, Cliff Curtis, Joel David Moore, CCH Pounder, Edie Falco, Jemaine Clement dhe Kate Winslet.
“Avatar: The Way of Water” fillon së shfaquri nëpër kinematë botërore më 16 dhjetor të këtij viti.
