Showbiz

Fëmijët e Wahlbergut “të turpëruar” me të kaluarën e tij

Fëmijët e Wahlbergut “të turpëruar” me të kaluarën e tij

Mark Wahlberg mendon se fëmijët e tij ndihen të turpëruar për të kaluarën e tij muzikore.

Aktori 50-vjeçar ishte pjesë e grupit hip-hop të viteve '90 “Marky Mark and the Funky Bunch” dhe ai pranon se fëmijët e tij - Grace, 12, Brendan, 13, Michael, 16 dhe Ella, 18 - ndihen të turpëruar kur e shohin karrierën e tij muzikore.

Gjatë një paraqitjeje në “The Ellen DeGeneres Show”, aktori u pyet nëse fëmijët e kanë parë ndonjëherë duke performuar e ai u përgjigj: “Po, kanë parë disa video dhe ndihen të turpëruar”.

Një foto e yllit të Hollivudit gjatë ditëve të tij të Marky Mark u shfaq më pas në ekran dhe aktori pranoi se fëmijët e tij nuk do të donin ta shihnin atë.

“Nëse më shohin një foto me të brendshme, o Zot, do të turpëroheshin shumë. Djali im sapo ka mbushur 16 vjeç. Le ta themi edhe këtë, ai turpërohet nga gjithçka që bëj, madje edhe gjërat që njerëzit mendojnë se janë të bukura në vitin 2022”, është shprehur aktori.

I pyetur nëse do të performonte sërish si Marky Mark, ai ka bërë të ditur se në rrethanat e duhura për rrethanat e duhura e për kauzën e duhur absolutisht do ta bënte.

Ndërkohë, në fillim të këtij muaji Mark ka zbuluar se ka në plan të largohet nga Hollywood “më herët sesa mendohet”.

Aktori është një nga yjet më të mirë në industrinë e filmit, por ai nuk ka në plan të qëndrojë në këtë biznes përgjithmonë.

Mark - i cili është i martuar me Rhea Durham që nga viti 2009 - dëshiron të kalojë më shumë kohë në shtëpi me familjen e tij në vitet e ardhshme.

Duke folur për qasjen e tij ndaj projekteve të ardhshme, Marku shpjegoi: “Duhet të jetë diçka e veçantë që të më largojë vërtet nga shtëpia”.