Adele ka shtyrë ngjarjen e promovimit të rezidencës së saj në Las Vegas, vetëm 24 orë para natës së hapjes.
“Më vjen shumë keq, por emisioni im nuk është gati”, u tha ylli fansave në një përditësim të përlotur në Instagram.
“Gjysma e ekipit tim ka COVID dhe ka qenë e pamundur ta përfundoj shfaqjen”, ka thënë ajo, duke shtuar se “vonesat e dorëzimit” kishin bërë kërdi me planet e saj.
Ajo do të luante të premten të parin nga 24 koncertet e planifikuara, në Koloseun e Caesars Palace.
I shpallur në fund të nëntorit, seriali “Weekends With Adele” kishte planifikuar që këngëtarja të performonte dy shfaqje, çdo fundjavë deri në prill.
Biletat varionin nga 85 dollarë në 685 dollarë, dhe Adele parashikohej të fitonte më shumë se 670,000 dollarë për performancë.
Këto do të ishin koncertet e saj të para live në pesë vitet e fundit. Së bashku me dy takime në Hyde Park të Londrës këtë verë, ato janë të vetmet shfaqje që ajo ka njoftuar, përmes të cilave do të bëjë promovimin e albumit të saj të katërt, "30".
Duke folur në Instagram, Adele tha se kishte qenë “zgjuar për 30 orë” duke u përpjekur të shpëtonte produksionin, por thjesht “i kishte mbaruar koha”.
“Është e pamundur të përfundosh shfaqjen. Unë nuk mund t'ju jap atë që kam tani dhe jam e mërzitur", ka shtuar fituesja e çmimeve "Grammy".
Adele gjithashtu u kërkoi falje fansave që kishin mbërritur tashmë në Las Vegas për fundjavën e hapjes.
© KOHA. Të gjitha të drejtat janë të rezervuara.
