Aktori i filmave “Friday”, Anthony Johnson, ka vdekur në moshën 55-vjeçare. Lajmin e kanë konfirmuar zëdhënësit e komedianit.
“E kemi humbur një ikonë. Ai do të na mungojë shumë. Anthony na ka lënë me kujtime të mahnitshme të buzëqeshjes, aftësive dinamike të aktrimit, por mbi të gjitha për personalitetin e tij të mirë dhe zemrën prej ari. Lutjet tona shkojnë për gruan e tij Lexis, tre fëmijët e tyre dhe mbarë familjen. Ju kërkojnë t’iu jepni privatësi dhe kohë për ta tejkaluar dhimbjen e kësaj humbjeje kaq të madhe”.
Shkaktari i vdekjes së aktorit nuk është zbuluar ende për publikun e gjerë.
Johnson më së miri njihet për rolin e Ezalit në filmat e regjisorit F. Gary Gray, “Friday”, ku luajti krahas aktorit Ice Cube.
Ky i fundit i shfrytëzoi rrjetet sociale për ta nderuar mikun e tij të ndjerë.
Anthony Johnson po ashtu ka luajtur në filma të tillë si, “House Party, “Menace II Society” dhe “Lethal Weapon 3”. Kurse gjatë karrierës i ka pasur edhe disa paraqitje në seriale televizive.
