Nicole Kidman është ylli më i fundit hollivudian që ka nxitur kritika për shkak të rregullave strikte të karantinës për vizitorët e huaj.
Arritja e aktores australiane në Hong Kong ka shkaktuar zemërim pasi u raportua se ajo u pa jashtë dy ditë pasi shkoi atje.
Kjo përkundër se rajoni ka në fuqi disa nga rregullat më strikte, që përfshinë edhe karantinën 21 ditore për ata që hyjnë në vend, raporton BBC.
Kidman po qëndron në Hong Kong për të xhiruar një shfaqje të re për jetët e të pasurve .
Në Twitter dhe në platformën kineze të rrjetit social Sina Weibo, komentet kanë vërshuar. Dikush ka pyetur se kush ia ka dhënë të drejtën të dalë jashtë, teksa të tjerë kanë vënë theksin te ajo se nuk janë takuar me familjarët për muaj për shkak të kufizimeve.
© KOHA.
