Çifti i showbizit, T.I. dhe Tameka ‘Tiny’ Harris, po hetohen nga autoritetet për sulm seksual dhe detyrimin e paligjshëm të viktimave të tyre të konsumojnë narkotikë.
Reperi i njohur dhe bashkëshortja e tij janë subjekt i një hetimi penal nga Departamenti i Policisë së Los Angelesit, pas një padie të ngritur kundër çiftit muajin e kaluar, nga një grua e paidentifikuar.
Sipas dokumenteve ligjore, viktima në fjalë pohon se në vitin 2015 ishte droguar dhe sulmuar seksualisht nga çifti i famshëm.
Ndërkohë, një grua tjetër 41-vjeçare e quajtur, Rachelle Jenks, e dorëzoi një raport në fillim të këtij muaji, përmes së cilit deklaroi se ishte droguar dhe sulmuar seksualisht nga kjo dyshe. Ajo për herë të parë e kishte takuar Tameka Harrisin para 11 vjetësh, në një tualet të aeroportit.
Në një prononcim për “E! Neës”, avokati i çiftit Steve Sadoë tha: “Familja Harris nuk ka folur dhe nuk është kontaktuar nga policia e Los Angelesit, ajo e Las Vegasit apo ndonjë anëtarë tjetër i zbatimit të ligjit nga ndonjë juridiksion tjetër në vend. Edhe nëse spekulojmë se akuzat ndaj tyre janë të vërteta, siç duket personi që ka vendosur ta akuzojë çiftin në Departamentin Policorë të Los Angelesit, ka vendosur të qëndrojë anonim dhe kështu duke na parandaluar që të jemi në gjendje t’i hedhim poshtë pretendimet e saj, apo edhe t’i shqyrtojmë ato akuza. Ndërkohë, meqë tani për herë të pare e kemi emrin e një ‘akuzuese’ e cila supozohet se paraqiti një raport në Departamentin e Policisë së Las Vegasit, ne nuk kemi absolutisht asnjë detaj rreth kësaj gruaje apo pretendimeve të saj”.
Viktimat e supozuara po përfaqësohen nga avokati Tyrone A. Blackburn.
“Ne i kemi disa gra të cilët kanë pranuar të flasin zyrtarisht ndaj këtij rasti. Hetimet po vazhdojnë ende”, citohet të ketë thënë një zëdhënës i zyrës së avokatit Blackburn.
Ky i fundit po i përfaqëson gjithsej 11 persona, 10 gra dhe një burrë, të cilët kanë bërë deklarata kundër yjeve të showbizit, T.I. dhe Tiny.
Në muajin janar, Sabrina Peterson, njëra nga 11 personat që pretendojnë se janë abuzuar seksualisht nga çifti Harris, pati deklaruar se reperi T.I. e kishte kërcënuar edhe me armë zjarri. Ajo nuk ka ndarë më shumë detaje rreth ngjarjes apo kohës kur ka ndodhur ajo.
T.I dhe Tiny, përmes avokatit të tyre i kanë mohuar të gjitha akuzat duke i quajtur ato të pabazuara.
© KOHA. Të gjitha të drejtat janë të rezervuara.
