Showbiz

Kantautorja H.E.R. fiton shpërblimin e parë “Oscar”

Foto: AP/Associated Press
Foto: AP/Associated Press
 

Ylli amerikan i muzikës, H.E.R. triumfoi në ceremoninë e 93-të të shpërblimeve akademike, duke e fituar shpërblimin e saj të parë “Oscar” në kategorinë “Kënga më e mirë origjinale”, për këngën e saj “Fight For You” e cila ishte kolonë zanore e filmit “Judas and the Black Messiah”.

Me ta pranuar shpërblimin në skenë, këngëtarja e cila shkëlqente e veshur me një kostum ngjyrë kaltër foli për rëndësinë e shfrytëzimit të artit për ta treguar të vërtetën e saj, si dhe i bëri thirrje muzikantëve dhe filmbërësve që t’i përdorin platformat e tyre me kujdes dhe përgjegjësi.