Showbiz

Halle Berry e zhgënjyer që është aktorja e vetme afrikano-amerikane e shpërblyer me “Oscar”

Foto: AP/Associated Press
Foto: AP/Associated Press
 

Aktorja e njohur hollywoodiane, Halle Berry, ka thënë se është fatkeqësi që një grua afrikano-amerikane nuk ka fituar çmim “Oscar” në kategorinë “Aktorja më e mirë”, prej triumfit të saj në vitin 2002.

Afërsisht 20 vjet pasi Berry u shpall fituese e shpërblimit akademik, për rolin e saj në filmin “Monster’s Ball”, ku luajti krahas yjeve Billy Bob Thornton dhe Heath Ledger, aktorja foli për faktin se që nga ajo kohë, Akademia e Arteve dhe Shkencave e cila e organizon ceremoninë prestigjioze kinematografike, nuk e ka nderuar një aktore të komunitetit afrikano-amerikan me këtë çmim.