Dakota Johnson është ballafaquar me depresionin prej moshës 15-vjeçare
Ylli i filmave “Fifty Shades of Grey”, Dakota Johnson, është përfshirë në ballinën e numrit të fundit të revistës “Marie Claire”, dhe në intervistën ekskluzive për këtë revistë aktorja ka deklaruar se ka disa vjet që përballet me problemet e shkaktuara nga depresioni, si dhe lufton vazhdimisht për ta ruajtur shëndetin e saj mendor.
Por tani, Johnson thotë se po mundohet ta gjejë anën pozitive të betejës së saj të vazhdueshme me këtë sëmundje.
“Jam përballur me depresionin prej se isha vetëm 15-vjeçare. Por me ndihmën e profesionistëve e kuptova se kjo ishte një sëmundje e menaxhueshme. Por, jam mësuar ta shoh këtë betejë si diçka të bukur dhe pozitive, sepse ma mundëson ta ndjejë botën më mirë. Supozoj se jam person që vuaj nga komplekse të shumta, por nuk e kam zakon t’i shprehi ato. Pra, sfidat me të cilat përballem në jetën time, nuk i bëjë problemet e të tjerëve,” citohet të ketë thënë aktorja.
Ndër të tjera, 30-vjeçarja Johnson ka deklaruar se nuk e ka ndonjë metodë të cilën e praktikon kur i zgjedh rolet e saj në filma, por thjeshtë bazohet në intuitën dhe emocionet e saj, transmeton Koha.
Dakota Johnson është vajza e aktorëve, Melanie Griffith dhe Don Johnson. Ajo po ashtu ka treguar se Hollywoodit sot i mungojnë filma të tillë si, “Notting Hill”, pasi pikërisht projektet e këtilla e kishin inspiruar të merret me aktrim.
Përveç intervistës së shkruar për revistën “Marie Claire”, aktorja ishte bërë pjesë e një segmenti interesant të saj me titull “Pop Quiz”, ku ajo iu përgjigj pyetjeve të parashtruara nga fansat e që doli të jetë një video mjaft qesharake.
