Showbiz

Tom Cruise dhe NASA janë në bisedime për ta xhiruar një film në gjithësi

Tom Cruise dhe NASA janë në bisedime për ta xhiruar një film në gjithësi

Aktori i njohur i filmave aksion, Tom Cruise, është në bisedime e sipër me agjencinë NASA, për ta xhiruar një projekt filmik në gjithësi. Kështu ka bërë të ditur shefi i kësaj agjencie. Besohet se biznesmeni, Elon Musk, do të jetë i përfshirë në këtë projekt i cili nëse arrin të realizohet, do të jetë filmi i parë në histori, i xhiruar në gjithësi, transmeton Koha.

“Agjencia NASA është e lumtur të punojë me aktorin Tom Cruise rreth realizimit të një filmi në Stacionin Hapësinor! Ne kemi nevojë për vëmendjen e mediave për t’i inspiruar gjeneratat e reja të inxhinierëve dhe shkencëtarëve, për t’i bërë planet ambicioze të NASA-s realitet,” kishte shkruar shefi i agjencisë, Jim Bridenstine, në Twitter.