Këngëtari i njohur, The Weeknd, ka vendosur që ta nderojë një adhurues të tij i cili ka ndërruar jetë, duke ia dedikuar atij albumin e ri me titull “After Hours”.
Ylli kanadez i muzikës, emri i vërtetë i së cilit është Abel Tesfaye, e publikoi albumin e katërt të incizuar në studio, të premten më 20 mars, transmeton Koha.
Gjatë ditës, The Weeknd e mësoi lajmin pikëllues se adhuruesi i tij i flaktë me emrin, Lance, ka vdekur para pak ditësh. I prekur nga ky lajm, këngëtari përmes një postimi në Twitter tregoi se albumin e ri po ia dedikon atij.
“RIP LANCE aka XOPODCAST. Ti ke qenë njëri prej themeluesve të bazës sime të adhuruesve. Nuk mund ta besojë se po e marr vesh këtë lajm pikërisht sot. Albumin “After Hours” po ta dedikoj ty miku im,” shkruhej në mesazhin e The Weeknd.
RIP LANCE aka XOPODCAST. you were one of the true original backbones of my XO fan base. Can’t believe i’m finding out about this today. I’m dedicating After Hours to you, my friend.
— The Weeknd (@theweeknd) March 19, 2020
Në fillim të kësaj jave, ylli shumë i dashur për publikun mbarëbotëror e lansoi një listë të këngëve të përfshira në albumin e ri, i cili vjen pas atij të vitit 2016 “Starboy”. Në mesin e tyre janë këngët: “Blinding Lights”, “Heartless”, “Alone Again”, “Escape From LA”, “Faith”, “I Bleed It Out” dhe “Scared To Live”.
Në fillim të muaji, këngëtari i shtoi edhe katër koncerte në arenën O2 të Londrës, në turneun e tij masiv në Britani të Madhe dhe Evropë, i cili fillon më 11 tetor të këtij viti dhe ka për qëllim promovimin e albumit të ri “After Hours”.
