Showbiz

Fansat e Kylie Jenner zbulojnë diçka të pazakontë në trupin e saj

Miliarderja më e re e botës, Kylie Jenner është bërë lajm në mediat ndërkombëtare, por për një arsye të çuditshme dhe qesharake. Bota po i anashkalon të gjitha tiparet e përkryera të një prej femrave më të ndjekura në Instagram, dhe është fokusuar në gishtin e mesëm të këmbës së Jennerit, transmeton Koha.net.

Ylli i shout televiziv “Keeping Up With the Kardashians” është detyruar ta mbrojë publikisht gishtin e veçantë të këmbës, kjo pasi fansat në rrjetet sociale, në fotografitë e fundit që Kylie i ka postuar, e kanë vënë re se gishti i saj i mesëm i këmbës dukej “jo normal”.

Përmes “InstaStories”, bukuroshja 22 vjeçare e ka postuar një video ku në fokus i kishte vënë këmbët e saj, të përcjellë me mesazhin: “Pra të gjithë duan të flasin për ‘gishtin tim të veçantë’. Fillimisht, dua t’iu them se unë kam këmbë të mrekullueshme. Por, sa isha në shkollë të mesme e kam thyer gishtin e mesëm të këmbës. Meqenëse nuk ke çfarë t’i bësh gishtit të thyer, e kam lënë atë të shërohet vetvetiu,” kishte shpjeguar Jenner.

{gallery}

Kohëve të fundit, Kylie Jenner ka qenë lajm në mediat botërore edhe për jetën e saj private. Themeluesja e kompanisë së produkteve kozmetike “Kylie Cosmetics”, ka shkaktuar spekulime në publik rreth ribashkimit me ish të dashurin, Travis Scott njëherësh babai i vajzës së saj dy vjeçare, Stormi. Besohet se dyshja është sërish në lidhje, kjo pasi Jenner i ka postuar disa fotografi të vjetra me Scottin, por çifti ende nuk e ka konfirmuar lajmin e ribashkimit, duke thënë se thjeshtë po kalojnë momente të mira me njëri-tjetrin.