Steven Tyler ka zbuluar se i ka kaluar "shumë vjet" duke qenë i zemëruar në shokët e tij të bendit “Aerosmith” për shkak se e kishin dërguar në rehabilitim në vitet ‘80 - megjithëse ai më vonë ishte "mirënjohës" për vendimin e tyre.
Ai gjithashtu pohoi se disave prej drejtuesve të afërt me bendin në të kaluarën u pëlqente fakti që shumica prej tyre ishin shumë të dehur që të bëjnë pyetje në lidhje me financat e tyre.
"Aerosmith nga viti '72 deri në '79 nuk ishin të droguar... Por pastaj të gjithë u bëmë shumë të droguar", tha Tyler për Haute Living në një intervistë të fundit. "Nuk kishte gjëra si rehabilitimi; kishte institucione mendore. Unë u largova në '84 dhe '86 dhe nuk e kuptova situatën. Fillimi i viteve '80 ishte i tmerrshëm dhe droga na tërhoqi poshtë. Unë kam qenë i pari që u trajtova.”
Ai vazhdoi: "Ishte një moment në vitin '88 kur menaxhmenti dhe bendi kërkuan intervenim tek unë. Ata menduan: 'Ta shërojmë këngëtarin kryesor dhe të gjitha problemet tona do të kenë mbaruar.' Kështu që e tejkalova varësinë dhe m’u deshën shumë vjet për ta kapërcyer zemërimin ndaj tyre që më dërguan në rehabilitim, ndërsa ata shkuan me pushime. Por sot, për atë moment... u jam mirënjohës dhe duhet t’u falënderohem për rehabilitimin tim."
Këngëtari tha se kur u pyet për varësinë nga heroina, ai u përgjigj: "Po, por kjo nuk është asgjë në krahasim me faktin kur bendi i shkruan këngët e tyre, i interpreton dhe i dëgjon në një studio regjistrimi në altoparlantët që janë shumë të mëdhenj. Më pas, jeni në radio... Nuk ka drogë më të fortë se muzika.""
Tyler vazhdoi duke thënë se Aerosmith "kurrë nuk e kishte thënë të vërtetën" për përvojat e tyre negative në biznesin e muzikës. “A doni të futeni në të? Apo doni që njerëzit thjesht ta duan atë album?”, reflektoi ai, përcjell KOHA Ditore. "A dëshironi ta bëni atë album të madh, apo dëshironi që njerëzit ta dinë atë që ju nuk e dinit sepse ishit nën ndikim të drogës, dhe menaxherët tuaj dhe etiketat muzikore e pëlqenin këtë tek ju?"
Ai vazhdoi: “Atyre u pëlqente kjo për bendin. Menaxherëve tanë të parë u pëlqente që ishim të droguar. Shtëpia jonë muzikore atyre u pëlqente që ishim të droguar, sepse e dinin që nuk i shikojmë transaksionet e parave. Dhe a nuk ka qenë kështu gjithmonë... Kjo anë e biznesit të muzikës që është thjesht një rrugë e errët dhe e ndyrë e gënjeshtrave dhe e avokatëve."
© KOHA
