Fustani i princeshës Diana shitet për mbi 280 mijë dollarë

Fustani i princeshës Diana shitet për mbi 280 mijë dollarë

14 December 2019 20:49

Fustani të cilin e kishte veshur princesha britanike Diana kur kishte kërcyer me aktorin amerikan John Travolta (65) në Shtëpinë e Bardhë është blerë për 280.000 dollarë nga fondacioni, i cili kujdeset për pallatet mbretërore.

Fustani me supe të ekspozuara me ngjyrë të kaltër të errët nga disenjatorja Victora Edelstein është plasuar të hënën në shitje nga shtëpia e ankandeve me qendër në Londër, Kerry Taylor Auctions, me një vlerë të vlerësuar prej 320,750 dollarë deri në 384.900 dollarë, por nuk e arriti atë shumë, kështu që fondacioni ofroi ta blejë atë pas ankandit, shkruan KOHA Ditore.

“Ajo është shitur pas ankandit për 220.000 funte britanike. Shitësi është i kënaqur dhe shpresonte se fustani do të qëndronte në Britani”, - deklaroi shtëpia e ankandeve në një deklaratë.

Fondacioni Historic Royal Palaces, i cili kujdeset për pallatin Hampton Court dhe Tower of London, si dhe pjesët publike të pallatit Kensington, ku Diana jetonte dikur, njoftoi të mërkurën se e ka blerë një pjesë të historisë.

“Jo vetëm që fustani ‘Travolta’ është një shembull fantastik i qepjes luksoze që synon të bëjë përshtypje në një rast shtetëror, por është gjithashtu një moment kryesor në historinë e modës mbretërore të shekullit të 20-të”, - tha kuratorja Eleri Lynn nga Historic Royal.

Fustani është blerë për koleksionin Royal Ceremonial Dress Collection. Diana e veshi fustanin në vitin 1985 në një darkë në Shtëpinë e Bardhë kur vallëzoi me aktorin e njohur, ndër të tjera edhe sipas rolit në muzikorin “Grease”.

© KOHA. Të gjitha të drejtat janë të rezervuara.

Komentet

Shto koment

Të ngjashme