MC Kresha premton disa projekte të reja të labelit “PINT” këtë muaj
Reperi i njohur kosovar, MC Kresha, ka bërë të ditur se labeli “PINT” do të vazhdojë me publikimin e këngëve të reja këtë verë.
Ai ka thënë se vetë do të jetë pjesë e një kënge të re të Llunit, e ku pjesëmarrës është edhe Lyrical Son.
Në “Express Summer” të KTV-së, ai ka thënë se reperi Blleki do të sjellë një këngë të re këto dy ditë, ndërsa kënga “Semafori” është xhiruar qe tre muaj, por për arsye teknike akoma s’është bërë publikimi i klipit.
“Brenda muajit s’do t’i zhgënjejmë fansat tanë me shumë projekte, s’po them me një, por më shumë”, ka deklaruar ai.
