Showbiz

Rita vihet në siklet kur pyetet për lidhjen e re

Këngëtarja me prejardhje nga Kosova, Rita Ora ende nuk ka konfirmuar romancën e saj me aktorin Andrew Garfield, por është vënë në siklet kur është pyetur për aktorin e filmit të Spidermanit.

Gjërat u bën të sikletshme për 28-vjeçaren kur në një emision të radios është pyetur nëse preferonte Tobey Maguiren apo Andrew Garfieldin në rolin e “Spidermanit”.

“Nuk e shikoj Spidermanin. Kjo është përgjigja”, ka thënë Rita.

“Ju po më kthjellni në këtë mëngjes”, ka shtuar ajo para se të sqaronte se nuk shikonte filmat me superheronj.

Rita dhe Andrew, 35-vjeçar, u përfolën për një lidhje të mundshme gjatë dhjetorit, tre muaj pas ndarjes së saj me të dashurin Andrew Watt.