250gr biskota të njelmëta
150 gramë gjalpë
Kremi:
200gr spinaq
4 pako djathë krem Philadefia
1 lugë çaji koper të thatë
1 pako xhelatinë
Kripë/piper
Pak vaj ulliri
Biskotat e njelmëta bluhen, pastaj ia shtojmë gjalpin e shkrirë.
Masën e fituar e vendosim në tepsi rrethore, me diametër 22cm, duke e shtypur mirë me fundin e gotës ose ndonjë mjet tjetër kuzhine.
Skuqim spinaqin për 3-4 minuta në vaj ulliri, pastaj ia shtojmë erëzat.
Aktivizojmë xhelatinën me 20ml ujë, pas 10 minutave e ngrohim pak derisa të shkrijë, por nuk duhet vluar.
Në procesor ushqimi e bluajmë spinaqin e skuqur në vaj ulliri.
Shtojmë xhelatinën dhe djathin krem.
Masën e fituar e vendosim mbi bazën e biskotave dhe e lëmë në frigorifer së paku 2 orë.
Dekorohet sipas dëshirës.
