Përveçse është një mënyrë argëtuese për të kaluar një pasdite me familjen dhe miqtë, pingpongu gjithashtu ofron përfitime të mëdha shëndetësore, dhe atë jo vetëm për të rritur, por edhe për fëmijë.
Ashtu si shumica e sporteve, pingpongu mundëson zhvillimin e mendjes dhe trupit, stimulon stërvitje aerobike dhe ndërveprim shoqëror. Ndryshe nga disa sporte, rreziku i përgjithshëm për lëndime gjatë lojës me pingpong është mjaft i ulët.
Gjatë vizitës sonë në klubin e pingpongut “Pri Ping” biseduam me kryetarin e klubit, Kastrion Orana, i cili na informoi më shumë për këtë sport kaq interesant.
Fëmijët thonë se u pëlqen shumë ky sport dhe se dëshirojnë ta vazhdojnë edhe kur të rriten.
Pra, përveç kënaqësisë që ofron ky sport, rrit vigjilencën e lojtarëve qysh në moshë të hershme duke zhvilluar reflekset e tyre.
