Më 7 janar bëhen 12 vjet pa babanë, vëllain, bashkëshortin dhe kunatin tonë të dashur

Dr. Nue (Nikollë) Gegaj

Dr. Nue (Nikollë) Gegaj

(3.6.1962 - 7.1.2009)

M'ka ra malli me t'pa báb...

Sonte n'dritën e hënës e n'ftohtin e natës e ndjeva njëfarë ligsimi n'shpirt. Këtë ligsim kaq t'madh babë, edhe pse u bënë 12 vjet pa ty, ende nuk e kisha ndie.

Babë kam mall për ty, mall që djeg si zjarr, mall që tundon shpirtin, mall që shuan fjalët. Mall që t’i kujton të gjitha të mirat e botës, që u humbën për një ditë. Mall që ta kujton dashurinë tënde për ne, që u shua si yll. Pikërisht ky mall, ku ne e kishim në dorë tonën ardhmëri, që u vodh nga të tjerët, të cilët neve na kishin zili.
Babë kam frikë për ty, frikë se fytyrën tënde nuk do ta njoh, frikë që erën tënde do ta harroj, frikë që zërin tënd me të tjerëve do ta ngatërroj. Kam frikë se era jote e butë, që një fushe me lule në pranverë i ngjason, të më përzihet me një kopsht me thera, ku çdo gjemb të thumbon. Kam frikë që qëndrimi yt stoik, që me drurët e malit ngjason, të më përzihet me shkurret që një pëllëmbë mbi tokë qëndrojnë. Kam frikë se zëri yt, që me më të ëmblin zë bylbyli ngjason, të më përzihet me zërin që më e vrazhda krijesë e lëshon.
Babë kam dhimbje për ty, dhimbje që nuk di kurrë të mbarojë, dhimbje që shpirtrat tanë si gozhdë i lëndon e i lëndon. Dhimbje që me të lindurit dielli zemrat tona si valë deti i çanë, e njëjta dhimbje që godet zemrat tona pa pushim, pa ndalur...
E di babi çka i mund mallin, frikën e dhimbjen për ty!? Kujtimet babi, ato më japin forcën të jem krenar për ty. Këto kujtime janë fotografi reale të çdo momenti sublim me ty, dëshmi e pandryshueshme, që tregon se çfarë burri e mbi të gjitha çfarë babai i shenjtë ishe ti.
Jemi rritur babë, ndërsa për të të bërë krenarë jetojmë, për të të ngjarë sadopak e për t’u dhënë jetë bekimeve të tua.
Ashtu siç të kemi premtuar, mes lotëve e dhimbjes, ashtu siç na doje ti...sot jemi bërë fëmijët që ti ke dashur gjithmonë.
Na mungon sot, nesër, çdo ditë e natë, deri në frymën e fundit!
Të duam përjetë, engjëll.

 

Me mall të pashuar e lot në sy të përkujtojnë: bashkëshortja Martja, fëmijët Arta, Kristina, Anita, Arbri dhe Ariani, vëllezërit Pjetri dhe Nika, motra Pashkja, kunatat Prena e Antoneta, si dhe mbarë familja Gegaj nga Shpenadia, Gjermania dhe Zvicra.

Data e publikimit: 07.01.2021
Shpërndaje
Të tjera