Atletja nga Kenia, Beatrice Chebet, e ka fituar medaljen e artë në vrapimin 10 mijë metra.
Ajo të premten në Lojërat Olimpike në kryeqendrën franceze, garën e përfundoi për 30 minuta, 43 sekonda e 25 të qindtat.
Chebeti në këtë Olimpiadë kishte fituar edhe në garën e vrapimit 5 mijë metra.
Italiania Nadia Battocletti e fitoi të argjendtën me kohën 30 minuta, 43 sekonda e 35 të qindtat, ndërsa holandezja Sifan Hassan, fituese e medaljes së artë olimpike në “Tokio 2020” para tre vjetësh, përfundoi e treta me kohën 30 minuta, 44 sekonda e 12 të qindtat.
