Пет промени се очекуваат во американската дипломатија ако демократите победат на изборите

Analistët jopartiakë thonë se demokratët kanë shanse të mira për të fituar kontrollin e Dhomës së Përfaqësuesve të SHBA-së dhe ndoshta edhe të Senatit në zgjedhjet e mesmandatit, më 3 nëntor. Kjo do t’u mundësonte atyre të siguronin një pjesë të pushtetit në Uashington, pas dy vjetësh kontrolli republikan.

Demokratët argumentojnë se republikanët e kanë lejuar administratën e presidentit Donald Trump të shpallë luftë dhe të kontrollojë shpenzimet, ndonëse Kushtetuta e SHBA-së ia rezervon këto kompetenca ligjvënësve.

Ja disa mënyra se si një Kongres i kontrolluar nga demokratët mund të kufizojë politikën e jashtme të Trumpit.

Kufizimi i luftës me Iranin

Trumpi nuk mori miratimin e Kongresit përpara se të niste luftën me Iranin më 28 shkurt, ndërsa demokratët kanë votuar vazhdimisht për t’u dhënë fund luftimeve, nëse ai nuk siguron një miratim të tillë.

Një nga këto rezoluta u miratua me mbështetjen e një numri të vogël republikanësh, por administrata e Trumpit e shpërfilli atë.

Nëse marrin kontrollin e Dhomës së Përfaqësuesve ose të Senatit, demokratët mund të shkurtojnë shpenzimet e mbrojtjes për t’i bërë presion Trumpit që të kërkojë lejen e Kongresit për vazhdimin e luftës. Ata gjithashtu mund t’u kërkojnë zyrtarëve të administratës të dëshmojnë publikisht për planet e tyre.

Mbështetje e re për Ukrainën

Trumpi e ka ndërprerë në masë të madhe ndihmën e drejtpërdrejtë financiare dhe ushtarake të SHBA-së për Ukrainën, pavarësisht mbështetjes së ligjvënësve demokratë dhe republikanë për vendin, ndërsa ai përballet me pushtimin rus.

Së fundmi, ai ka zemëruar anëtarë të Kongresit, përfshirë shumë republikanë, duke hequr sanksionet ndaj naftës ruse dhe duke pezulluar zbatimin e sanksioneve ndaj energjisë ruse vetëm disa javë pasi i kishte nënshkruar ato në ligj.

Nëse fitojnë shumicën në të dyja dhomat në nëntor, demokratët do të mund të vendosin se cilat çështje do të hidhen në votim dhe kur.

Kjo mund t’u mundësojë atyre të miratojnë ndihmë të re për Ukrainën, e cila ka të ngjarë të sigurojë shumicat prej dy të tretash të nevojshme për të kapërcyer veton e Trumpit.

Ata mund të synojnë edhe veprime të tjera të presidentit. Për shembull, kongresmeni Gregory Meeks nga New Yorku, i cili mund të marrë drejtimin e Komitetit të Punëve të Jashtme të Dhomës së

Përfaqësuesve nëse demokratët fitojnë kontrollin, ka paraqitur një projektligj dypartiak për të bllokuar planin e Trumpit për rikthimin e naftës ruse në tregun global.

Ndërprerja e ndihmës ushtarake për Izraelin 

Mbështetja për Izraelin ka rënë ndjeshëm mes demokratëve për shkak të mënyrës se si ai e ka zhvilluar luftën në Gazë, ku janë vrarë dhjetëra mijëra civilë palestinezë. Faktorë të tjerë kanë qenë dhuna e vazhdueshme në Bregun Perëndimor të pushtuar nga Izraeli dhe aleanca e ngushtë e kryeministrit izraelit, Benjamin Netanyahu, me republikanët.

Demokratët mund ta kufizojnë ose ta ndërpresin ndihmën ushtarake për Izraelin, e cila arriti në 3.8 miliardë dollarë në vitin më të fundit fiskal. Kjo shumë ishte më e lartë se ndihma e dhënë për cilindo vend tjetër.

Gati gjysma e demokratëve në Dhomën e Përfaqësuesve votuan këtë verë për ndërprerjen e ndihmës për Izraelin. Disa prej atyre që votuan kundër kësaj nisme, si Meeks, kanë mbështetur kufizimin e furnizimit të Izraelit me armë, siç janë bombat e rënda.

Kufizimi i shpenzimeve ushtarake dhe rikthimi i ndihmës së huaj 

Demokratët kanë shumë më tepër gjasa sesa republikanët e Trumpit të kërkojnë kufizimin e shpenzimeve ushtarake.

Trumpi kërkoi këtë vit një rritje të paprecedentë prej 67 për qind të buxhetit ushtarak, duke e çuar atë në 1.5 trilion dollarë. Por demokratët e bllokuan këtë kërkesë në Senat, duke përmendur refuzimin e tij për t’u konsultuar me Kongresin lidhur me luftën me Iranin dhe shkurtimet e mëdha të programeve sociale.

Trumpi gjithashtu ka mbajtur pezull ose ka anuluar miliarda dollarë ndihmë të huaj të miratuar nga Kongresi. Shumë demokratë janë zemëruar nga këto shkurtime dhe thonë se do të përpiqen të rikthejnë financimin.