Kryeministri i Kosovës, Albin Kurti, i ka shprehur ngushëllime kryeministrit të Spanjës, Pedro Sanchez, familjeve të viktimave dhe popullit spanjoll pas aksidentit fatal që çoi në përplasjen e dy trenave.
“Jam thellësisht i pikëlluar nga lajmi për aksidentin hekurudhor në Spanjë, i cili u ka marrë jetën dhjetëra personave. Shpreh ngushëllimet e mia të sinqerta për kryeministrin Sanchez, familjet e viktimave dhe popullin spanjoll në këtë ditë tragjike”, ka shkruar Kurti në “X”.
Të paktën 64 persona janë konfirmuar të vdekur pas përplasjeve së dy trenave të linjës hekurudhore Madrid – Sevilla. Dhjetëra janë të lënduar.
