Османи: Секој успех на Косово го носи и печатот на САД

Претседателката на Косово, Вјоса Османи, во понеделник се сретна со заменик-помошникот секретар на САД од Бирото за демократија, човекови права и труд, Никол Чулик. 

Осман ја истакна важноста од успешно завршување на членството на Косово во Советот на Европа. 

Таа оцени дека тоа ќе биде дополнителна гаранција за зачувување и унапредување на човековите права, демократијата и владеењето на правото на Косово.

„На средбата се разговараше за последните случувања, натамошното продлабочување на соработката меѓу Косово и САД, како и за тековните достигнувања на Косово во зајакнувањето на демократијата, владеењето на правото и човековите права. На темата човекови права, претседателот Османи рече дека Косово има најнапредна правна рамка во Европа, која произлегува од Уставот на Републиката. Во таа насока, претседателот Османи ја истакна посветеноста на Косово за зачувување на мултиетничноста и заштита на човековите права за сите граѓани на Косово, без разлика. Таа во оваа прилика ја истакна важноста од успешно завршување на членството во Советот на Европа, како дополнителна гаранција за зачувување и унапредување на човековите права, демократијата и владеењето на правото во земјата“, соопштуваат од Претседателството. 

Османи рече дека секој успех на Косово го носи и печатот на САД и ја потврдил заложбата за натамошно продолжување на соработката во овој дух.

Во понеделникот, Чулик се сретна и со премиерот на Косово, Албин Курти.