Nga e hëna e 1 gushtit, Komuna e Prishtinës ka nisur organizimin për të mbledhur ndihma që do të dërgohen në Ukrainë.
Nënkryetarja e komunës, Donjeta Sahatçiu, ka njoftuar se në bashkësitë lokale në Prishtinë mbledhja e ndihmave do të vazhdojë deri të enjten e 4 gushtit.
Sahatçiu ka publikuar në llogarinë e saj në Twitter edhe listën e produkteve, të cilat qytetarët mund t’i dhurojnë.
“Nëse keni dëshirë të dhuroni ndonjë produkt shtëpie nga lista poshtë për fëmijë, pleq, gra e burra në Ukrainë, dërgoni pako në njërën nga 18 bashkësitë lokale në Prishtinë, prej sot (1/8) e deri t’enjten (4/8), ora 16:00”, ka shkruar ajo.
Nëse keni dëshirë me dhuru ndonjë produkt shtëpie nga lista poshtë për fëmijë, pleq, gra e burra në Ukrainë, dërgoni pako në njërën nga 18 bashkësitë lokale në Prishtinë, prej sot (1/8) e deri t'enjten (4/8) ora 16:00. #PrishtinaHelpsUkraine? pic.twitter.com/hboAvc3q7k
— Donjeta Sahatçiu (@DonjetaSahatciu) August 1, 2022
-
2 gusht 2022 12:09
-
Shpërndaje në: