Komuna e Prishtinës është ndër komunat që numëron më së paku raste aktive me COVID-19. Ndonëse për gjatë gjithë kohës numri më i madh i të infektuarve dhe rasteve aktive ishte në kryeqytet, tashmë kjo ka ndryshuar.
Prishtina renditet e 12-ta për nga numri i të infektuarve me katër raste.
Para saj janë Gjilani, Mitrovica, Prizreni, Ferizaj, Lipjani, Peja, Kaçaniku, Istogu, Podujeva, Obiliqi dhe Gjakova.
Që nga fillimi i pandemisë në vend janë konfirmuar 107.673 persona me COVID-19 me 2.253 vdekje.
105.255 persona janë shëruar ndërkaq janë kryer 659.216 teste.
