Metro

Borxhet e konsumatorëve ndaj “Termokosit” mbi 16 milionë euro

Borxhet e konsumatorëve ndaj “Termokosit” mbi 16 milionë euro
 

Prishtinë, 10 janar (EkonomiaOnline) - Kryeshefi ekzekutiv i ngrohtores “Termokos”, Arsim Fetahu, ka thënë se borxhet e konsumatorëve ndaj kompanisë arrijnë në vlerën e mbi 16 milionë eurove. Ai po ashtu ka treguar se kanë dërguar 500 konumatorë te përmbaruesit privat për moskryerjen e pagesave.

“Borxhet ndaj kompanisë ‘Termokos’ janë mbi 16 milionë euro, pjesa më e madhe e të cilave daton nga periudha para projektit të rigjenerimit dhe shpresojmë që në të ardhmen të bëhet një zgjidhje e cila do të jetë e kënaqshme edhe për ne edhe për qytetarët sa i përket borxheve. Momentalisht i kemi dërguar 500 konsumatorë te përmbaruesi për mos kryerjen e shërbimeve të ngrohjes dhe ky numër do të rritet deri në fund të vitit”, ka deklaruar Fetahu në intervistë për “EkonomiaOnline”.