Metro

Qytetarët kundër tarifës për veturat që hyjnë në qendër të Prishtinës

Qytetarët kundër tarifës për veturat që hyjnë në qendër të Prishtinës

Ideja e kryetarit të Prishtinës, Shpend Ahmeti, për të vendosur tarifë për veturat që hyjnë në qendër të qytetit vazhdon të nxisë pakënaqësi te qytetarët. Shtimit të paqartësive i kanë kontribuar edhe vartësit e Ahmetit, të cilët kanë përmendur vlera për çmimin e mundshëm të kësaj tarife. Megjithatë, kryetari Ahmeti nuk ka pranuar të deklarohet për KOHËN për të sqaruar mënyrën se si e ka menduar Komuna realizimin e një paralajmërimi të tillë.

Në rrjetin social “Facebook”, Ahmeti ka thënë se kjo është një ide për të zvogëluar nivelin e ndotjes së ajrit përmes uljes së numrit të automjeteve në qendër. Mirëpo, shtrenjtimi i parkingjeve në qendër apo vendosja e ndonjë tarife është e papranueshme për disa nga vozitësit e automjeteve, njëri nga të cilët është edhe Shend Kabashi.