Arbëri

Katër të infektuar me koronavirus në “Pjetër Bogdan”, mësimi kalon online

Tre mësimdhënës dhe një punëtor teknik kanë rezultuar pozitiv në shkollën “Pjetër Bogdan” në Prishtinë, kështu që mësimi do të kalojë përkohësisht online. Lajmin e ka konfirmuar për KOHËN, drejtoresha për Arsim në Komunën e Prishtinës, Shpresa Shala.

Po ashtu ka kaluar online edhe një klasë në gjimnazin “Sami Frashëri”, pasi një nxënës ka rezultuar pozitiv me koronavirus.

“Në shkollën ‘Pjetër Bogdan’ tre mësimdhënës dhe një punëtor teknik kanë rezultuar pozitiv me koronavirus. Shkolla shkon në mësimin online, sipas skenarit C. Po ashtu edhe një klas në ‘Sami Frashër’ do të vijojë mësimin online, pasi që një nxënës ka rezultuar pozitiv me koronavirus. Gjithë klasa pritet të testohet”, ka thënë Shala.

Kalimi në skenarin C në "Pjetër Bogdan" është rekomanduar nga IKSHPK-ja.