Ujësjellësi “Prishtina” përsërit thirrjen për kursim të ujit të pijes

Ujësjellësi rajonal KRU “Prishtina” ka përsëritur thirrjen drejtuar konsumatorëve që të përdorin racionalisht ujin e pijes nga sistemi. Ai ka njoftuar se niveli i ujit në liqenin e Badovcit është 9.65 metra nën kapërderdhje, kurse niveli i ujit në liqenin e Batllavës 6.04 metra nën kapërderdhje.

“Ju njoftojmë sot me gjendjen e liqeneve akumuluese sipërfaqësore. Niveli i ujit në liqenin e Badovcit është 640.20 m mbi nivelin e detit ose 9.65 m nën kapërderdhje, ndërsa niveli i ujit në liqenin e Batllavës është 628.96 m mbi nivelin e detit ose 6.04 m nën kapërderdhje”, thuhet në njoftim.