11:33

Kompania “Pastrimi” rrezikon të mbyllet nëse Qeveria s’ndërmerr hapa

Punëtorët e kompanisë “Pastrimi” kanë protestuar afër objektit të Qeverisë së Kosovës kundër vendimit për mospërfshirjen e tyre në Pakon Emergjente.

Kryeshefi i kompanisë Pastrimi, Burim Kelmendi, deklaroi se nëse Qeveria nuk ndërmerr hapa, atëherë rrezikohet mbyllja e kompanisë dhe humbja e vendeve të punës, raporton KOHA.

Ai bëri të ditur se dëmi i shkaktuar nga pandemie është 1 milion euro, përfshirë edhe borxhin e qytetarëve.

Kelmendi theksoi se protesta u përmbahet rekomandimeve të IKShP-së. Ai ka thënë se protesta ishte paraparë të mbahej deri në orën 12:00 por është ndërprerë në orën 10:30.

10:59

Nis protesta e kompanisë “Pastrimi” – kamionë të saj nëpër rrugë

Kamionë të kompanisë “Pastrimi” kanë dalur nëpër rrugët e Prishtinës të mërkuren, në protestën e paralajmëruar për mospërfshirjen e punëtorëve të kësaj kompanie në Pakon Emergjente të Qeverisë.

Në videot e siguruara nga KOHA, kamionët e “Pastrimit” shihen në rrugën tek Katedralja, teksa forcat e Policisë së Kosovës e rregullojnë trafikun.

Kjo kompani të mërkuren e ka shprehur pakënaqësinë e saj për moslejimin e saj nga Policia e Kosovës për mbajtjen e një proteste paqësore.

 

08:15

​Kompania “Pastrimi” proteston sot para Qeverisë së Kosovës

Kompania “Pastrimi” në Prishtinë është shprehur e zhgënjyer me institucionet vendore e konkretisht me ato te rendit, pasi që thonë se dy herë radhazi kanë bërë kërkesë tek Policia e Kosovës që t’ju lejohet mbajtja e një protestë paqësore me kamionë në qytet me një numër të vogël të punëtorëve dhe dy herë radhazi e njëjta kërkesë iu është refuzuar nga Policia e Kosovës.

“Kërkesa jonë kishte për qëllim që përmes protestës të shprehej pakënaqësia e punëtorëve ne mos përfshirjen e tyre ne Pakon Emergjente te Qeverisë se Republikës se Kosovës”, thuhet në komunikatë.

Prandaj, Kompania “Pastrimi” thotë se ka respektuar me korrektësi refuzimin e kërkesës se Policisë se Kosovës, por sipas tyre është e papranueshme se si një institucioni si kompania “Pastrimi”, i refuzohet një kërkesë e tillë, ndërsa ne anën tjetër është lejuar protesta të qindra qytetarëve ne sheshin e kryeqytetit, duke ditur situatën pandemike në të cilën ndodhemi.

“Kërkesa jonë adresuar tek Policia e Kosovës kishte për qëllim mbajtjen e protestës paqësore me një numër te vogël te punëtorëve gjithmonë duke respektuar rekomandimet e Institutit Kombëtar te Shëndetësisë, ndërsa realiteti dje fliste ndryshe me atë qe ndodhi ne sheshin e kryeqytetit”, vijon komunikata.

Prandaj, kompania “Pastrimi” paralajmëroi se sot nga ora 09:00 deri në 12:00 do të mbajë protestë paqësore para objektit te Qeverisë se Republikës se Kosovës për te shprehur pakënaqësinë në mos përfshirjen e këtyre punëtorëve ne Pakon Emergjente, ndërsa i kanë bërë thirrje edhe Policisë se Kosovës te sigurojë rendin dhe qetësinë e mbarëvajtjes së protestës.