Parku afër rrugës “B” në Prishtinë është parë i mbushur me njerëz mbrëmjen e së hënës. Ndonëse institucionet në vazhdimësi po bëjnë thirrje për kujdes, një gjë e tillë nuk po përfillet.
Sipas fotografive që posedon KOHA, përveç turmave të njerëzve të cilët po qëndrojnë në hapësirat e parkut, shumica prej tyre shihen të jenë pa masa mbrojtëse.
Instituti Kombëtar i Shëndetësisë Publike në vazhdimësi po bën thirrje për respektim të masave dhe shmangie të grumbullimeve, duke shtuar se rreziku nga pandemia nuk ka kaluar.
Dje 14, e sot 11 raste raste janë identifikuar me koronavirus, pasi numri i tyre kishte rënë deri në një.
Ministria e Shëndetësisë nga 4 maji ka nisur fazën e parë për lehtësimin e masave, derisa pati paralajmëruar se faza e dytë do të nis me 18 maj.
Të gjitha komunat kanë dalë nga karantina, ndërkaq orari i lëvizjes është zgjatur për 3 orë.
Porse kthimin në karantinë është duke e shqyrtuar Komuna e Prishtinës, pas rritjes së numrit të rasteve.
{gallery}
-
11 maj 2020 22:27
-
Shpërndaje në: