Një zjarr ka përfshirë kutinë elektrike në hyrje të një ndërtese në rrugën “Ahmet Gashi”, në Prishtinë.

Zjarrfikësit dhe as Policia ende nuk kanë dal në vendin e ngjarjes. Ndërkohë, sipas një video të siguruar nga KosovaPress, banorët janë në panik.

Gjithashtu, ende nuk dihen shkaqet dhe as dëmet e shkaktuar nga ky zjarr.

E këtë për Koha.net e ka konfirmuar edhe zëdhënësi i KEDS-it, Viktor Buzhala.

“Është djegur një kuti me 6 njehsorë elektrik. Ne jemi duke e hulumtuar dhe do të dalim me rezultate se si ka ardhur deri te kjo pas ekspertizës profesionale”, ka thënë Buzhala.