Trafiku Urban në Prishtinë bën me dije se është detyruar që të ndërpresë qarkullimin në orët e mbrëmjes të së enjtes, pas sulmeve të vazhdueshme që kanë pësuar në autobusët e tyre, me rastin e Halloween-it.

“Me keqardhje i informojmë qytetarët se për shkak të sulmeve dhe sjelljeve vandale nga disa grupe te rinjsh, u detyruam të ndërpritet qarkullimi në orën 21:15, në mënyrë që të evitohet dëmtimi i autobusëve të ndërmarrjes!”, thuhet në njoftimin e Trafiku Urban.

Trafiku Urban ka publikuar edhe disa fotografi të gjendjes në të cilën ndodhen pas këtij sulmi disa nga autobusët e saj.

Fëmijët për Halloween thyejnë një autobus në Prishtinë

Së paku një autobus i Trafikut Urban është dëmtuar pasi fëmijë të papërgjegjshëm, në festën për Halloween kanë gjuajtur në drejtim të tij.

Lajmin për këtë, bashkë me kërkesën që një gjë e tillë të ndalet, e ka bërë kreu i Prishtinës, Shpend Ahmeti.

“Kështu nuk festohet Halloween askund! Festa është e fëmijëve me lëpiska e bonbone. Mos gjuani makinat!”, ka shkruar Ahmeti.