Lokalet 2021

Kronika zgjedhore / PDK-ja zotohet për investime në shëndetësi, bujqësi, transport e digjitalizim të arsimit

Agim Aliu, kandidat i PDK-së për kryetar të Prizrenit
 

Partia Demokratike e Kosovës e ka vazhduar fushatën me premtime të shumta. Ndërtimi i Qendrave Mjekësore Familjare, legalizim të transportit për kombibusë, investime në bujqësi, lëndë të kodimit nëpër shkolla, janë disa nga zotimet e kandidatëve të kësaj partie

Partia Demokratike e Kosovës të martën e ka vazhduar fushatën zgjedhore me vizita e zotime të ndryshme në qytetet përkatëse. Agim Aliu, kryetar i Komunës së Ferizajt dhe njëkohësisht kandidat edhe për një mandat tjetër, ka vizituar Spitalin e Përgjithshëm të qytetit.

Aty është zotuar se në mandatin e ardhshëm do ta nisë ndërtimin e disa qendrave të mjekësisë familjare, në qytet dhe në fshatra, si dhe ka thënë se do të insistojë tek niveli qendror që Spitali i ri i qytetit të përfundoj sa më parë.