Artriti përfshin një grup të sëmundjeve që shkaktojnë dhimbje, ënjtje dhe ngurtësi të nyjave dhe prek njerëzit e të gjitha moshave.
Për fat të mirë, shumë ushqime mund të ndihmojnë në uljen e dhimbjeve të artritit.
Më poshtë do të gjeni një listë të ushqimeve që tregojnë efekte të dobishme në simptomat e artritit, transmeton KosovaPress.
Boronicat, dredhëzat
Frutat si boronica, dredhëza, manaferrat, qershia, janë një thesar i ushqyesve bioaktivë që mbrojnë kolagjenin, një komponent i rëndësishëm konstituiv i kockave, muskujve dhe nyjave.
Edhe
Çka ndodh me stresin kur hani arra?
Brokoli
Ai përmban sulforafan, një substancë për të cilin studimet kanë demonstruar se posedon përbërës antiinflamator.
Hudhra
Hudhra posedon veti të rëndësishme antiinflamatore, dhe konsumi i saj është i dobishëm për uljen e rrezikut nga zhvillimi i osteoartritit.
Xhenxhefili
Megjithëse nevojiten më shumë studime, studimet kanë treguar se xhenxhefili zvogëlon simptomat e artritit, si dhe kushtet inflamatore.
Edhe
Gjashtë ushqimet më të mira për shëndetin e trurit
Vaji i ullirit
Vaji i ullirit ul inflamacionet dhe rrezikun e zhvillimit të artritit. Disa studime tregojnë se mund të ngadalësojë përparimin e tij dhe lehtëson simptomat.
Peshku
Ushqimi i pasur me peshq të yndyrshëm si salmoni, ka një efekt të dobishëm në uljen e simptomave të kësaj sëmundjeje.
Peshku yndyror i pasur me omega – 3, acide yndyrore dhe vitaminë D, ndikon në uljen e inflamacionit dhe lehtëson simptomat e artritit.
Edhe
Ushqimet e dobishme për personat me osteoporozë
Spinaqi
Kjo perime është e pasur me antioksidues të tillë si kamferola, për të cilat është provuar se mund ta reduktojë inflamacionin dhe të ngadalësojë progresin e osteoartritit.
