Kur të vijë fundi i pandemisë COVID-19, mund të krijojë ndërprerje të mëdha për një sistem të pamenaxhueshëm të kujdesit shëndetësor të SHBA-së, që është bërë më bujar, më i përshtatshëm dhe i përditësuar teknologjikisht përmes një sërë masash të përkohshme emergjente.
Përfundimi i këtyre politikave mund të fillojë që në verë. Kjo mund t’i detyrojë rreth 15 milionë marrës të Medicaid të gjejnë burime të reja mbulimi.
Gama e çështjeve është e lidhur me urgjencën e shëndetit publik të koronavirusit e deklaruar fillimisht më shumë se dy vjet me parë dhe rinovuar periodikisht që atëherë. Është caktuar që të përfundojë më 16 prill dhe pritshmëria është që administrata Biden ta zgjasë atë deri në mes të korrikut. Disa madje donin platformë më të gjatë.
Transicionet nuk janë të mira për sistemin kompleks të kujdesit shëndetësor në SHBA, me përzierjen e tij të sigurimit privat dhe atij shtetëror dhe labirintin e tij të politikave dhe procedurave. Kaosi i kujdesit shëndetësor, në rast se shpërthen, mund të krijojë dhimbje koke për zgjedhjet afatmesme për demokratët dhe republikanët.
“Fleksibilitetet e dhëna përmes urgjencës së shëndetit publik i kanë ndihmuar njerëzit të qëndrojnë të mbuluar dhe të kenë qasje në kujdes shëndetësor, kështu që çështja kryesore është se si të ndërtohet mbi atë që ka qenë një sukses dhe të mos humbasë në terren”, ka thënë Juliette Cubanski, eksperte e “Medicare” me Fondacionin jopartiak “Kaiser Family”, i cili ka hulumtuar pasojat e mundshme të mbylljes së urgjencës pandemike.
Dështimi i programit
“Medicaid”, programi shtetëror-federal i sigurimeve shëndetësore për njerëzit me të ardhura të ulëta, po mbulon rreth 79 milionë njerëz, rekord i cili është pjesërisht për shkak të pandemisë.
Mirëpo, grupi i Institutit Urban ka vlerësuar se rreth 15 milionë njerëz mund ta humbasin “Medicaid” kur të përfundojë urgjenca e shëndetit publik, me një shkallë prej të paktën 1 milion në muaj.
Kongresi rriti pagesat federale të “Medicaid” për shtete për shkak të COVID-19, mirëpo gjithashtu ka kërkuar që shtetet të mbanin njerëzit në listë gjatë urgjencës shëndetësore. Në kohë normale, shtetet në mënyrë rutinore çregjistrojnë marrësit e “Medicaid”, të ardhurat e të cilëve rriten përtej niveleve të caktuara, ose për ndryshime të tjera te jetës që ndikojnë në përshtatshmëri. Ky proces do të fillojë përsëri kur të përfundojë emergjenca dhe kur disa shtete të jenë të etura për të ecur përpara.
Pothuajse të gjithë ata që humbasin “Medicaid” pritet të kenë të drejtë për një burim tjetër mbulimi, qoftë nëpërmjet punëdhënësve, Aktit të Kujdesit të Përballueshëm ose – për fëmijët – Programit të Sigurimit Shëndetësor të Fëmijëve.
Megjithatë, kjo nuk do të ndodhë automatikisht, ka theksuar Matthew Buettgens, studiuesi kryesor në studimin e Institutit Urban. Kostoja dhe mungesa e vetëdijes për opsionet mund të jenë pengesë.
“Është një situatë e paparashikueshme”, ka spikatur Buttgens. “Ka pasiguri”.
Qendrat federale për Shërbimet e “Medicare” dhe “Medicaid”, po i këshillojnë shtetet qe ta marrin qetë dhe t’i lidhin marrësit e “Medicaid” të cilët janë çregjistruar me mbulime të tjera të mundshme. Agjencia do ta monitorojë saktësinë e shteteve në marrjen e vendimeve të përshtatshmërisë. Zyrtarët e Bidenit duan thjesht ndërrime mbulimi dhe jo humbje.
“Ne jemi të përqendruar duke u siguruar që të mbajmë përfitimet në mbulim që kemi bërë nën administrimin e Biden-Harris”, ka theksuar administratorja e CMS Chiquita Brooks-LaSure. “Jemi në pikën më të fortë në historinë tonë dhe do të sigurohemi që t’i mbajmë përfitimet e mbulimit”.
Mbulimi ACA - ose “Obamacare” - është opsion për shumë njerëz që do ta humbnin “Medicaid”. Mirëpo, do të jetë më pak e përballueshme nëse demokratët e Kongresit nuk arrijnë ta japin ndihmën bujare financiare të kërkuar në legjislacionin social të presidentit Joe Biden. Demokratët që pengojnë projektligjin do të përballen me fajin.
Republikanët në shtetet kryesisht jugore që kanë refuzuar ta zgjerojnë “Medicaid” janë gjithashtu të prekshëm. Në ato shtete, mund të jetë shumë e vështirë për të rriturit me të ardhura të ulëta të marrin mbulim e shumë njerëz mund të përfundojnë të pasiguruar.
Zyrtarët e “State Medicaid” nuk duan të jenë kokat e kurbanit. “’Medicaid’ e ka bërë punën e tij”, ka bërë të ditur Matt Salo, kreu i Shoqatës Kombëtare të Drejtorëve të ‘Medicaid’. “Ne jemi kujdesur për nevojat e shëndetit fizik, mendor dhe të sjelljes. Teksa dalim nga kjo emergjencë, supozohet se duhet të ndërmerren përmasat e duhura të programit”.
Teleshëndeti statik
Miliona amerikanë zbuluan teleshëndetin në vitin 2020 kur mbylljet e koronavirusit çuan në pezullimin e konsultimeve rutinore mjekësore. Vizitat personale janë përsëri normë, mirëpo teleshëndeti ka treguar dobinë e tij si dhe ka fituar pranim të gjerë.
Përfundimi i urgjencës së shëndetit publik do të rrezikonte qasjen në teleshëndetin për miliona të regjistruar në “Medicare” tradicionale. Kufizimet që i përkasin COVID-19 kufizojnë teleshëndetin kryesisht për banorët ruralë, pjesërisht për të zbutur kundër mashtrimit të kujdesit shëndetësor. Kongresi i ka dhënë vetes 151 ditë pas përfundimit të urgjencës së shëndetit publik për të nxjerrë rregulla të reja.
“Nëse nuk ka ndryshime në ligj pas kësaj, shumica e përfituesve të ‘Medicare’ do të humbasin qasje në mbulimin për teleshëndetin”, ka theksuar Cubanski i Fondacionit Kaiser.
Një përjashtim i madh zbatohet për të regjistruarit në planet private të “Medicare Advantage”, të cilat në përgjithësi mbulojnë teleshëndetin. Megjithatë, gati 6 në 10 të regjistruar në “Medicare” janë në programin tradicional të tarifave për shërbim.
Trajtimet shëndetësore
Qasja e gjerë në vaksinat, testet dhe trajtimet e COVID-19 mbështetet në autoritetin ligjor i lidhur me urgjencën e shëndetit publik.
Shembull është kërkesa e administratës Biden që siguruesit të mbulojnë deri në tetë teste falas në shtëpi për COVID-19 në muaj.
Një zonë që është veçanërisht e turbullt është ajo që ndodh me testet, trajtimet dhe vaksinat e mbuluara nën autorizimin e përdorimit emergjent nga Administrata e Ushqimit dhe Barnave.
Disa ekspertë thonë se miratimet e përdorimit të urgjencës zgjasin vetëm gjatë kohëzgjatjes së urgjencës së shëndetit publik. Të tjerë thonë se nuk është aq e thjeshtë sa kaq, sepse një statut i ndryshëm federal i urgjencës zbatohet gjithashtu për vaksinat, testet dhe trajtimet. Nuk ka ende një udhëzim të qartë nga zyrtarët shëndetësorë.
FDA-ja i ka dhënë miratimin e plotë vaksinës COVID-19 të “Pfizer-BioNTech” për ata 16 vjeç e lart dhe “Moderna” për ata 18 vjeç e lart, kështu që përdorimi i tyre i vazhdueshëm nuk do të ndikohej.
Mirëpo, spitalet mund të pësojnë goditje financiare. Aktualisht ata paguhen 20% më shumë për kujdesin e pacientëve me COVID-19. Kjo pagesë e shtuar është vetëm për kohëzgjatjen e urgjencës.
