Si të shpëtojmë nga ftohja është një temë e madhe gjatë dimrit. Edhe pse vitaminat janë të rëndësishme gjatë gjithë vitit, ato mund të jenë problem i veçantë gjatë dimrit për shkak të mungesave në lloje të caktuara.
Për të parandaluar përhapjen e gripit rekomandohet që të mos prekni sytë dhe hundët, pasi kjo është një mënyrë e thjeshtë për të transferuar mikrobet nga një person në tjetrin.
Po ashtu duhet të flini sa duhet: Kur trupi është i lodhur, nuk do të jetë në gjendje të luftojë infeksionin në mënyrë efektive. Mjekët sugjerojnë që të flemë 8 deri në 10 orë.
Vitaminat së bashku me mineralet janë lëndë ushqyese që trupi juaj ka nevojë në sasi të vogla për të funksionuar siç duhet.
Sipas NHS, shumica e njerëzve duhet të jenë në gjendje të marrin të gjitha ushqimet që kanë nevojë për të qenë të shëndetshëm dhe në gjendje të ekuilibruar, transmeton Ksp.
Edhe
Vitamina D ndihmon në mbrojtjen nga gripi
Megjithatë, gjatë dimrit, njerëzit mund të jenë në rrezik nga mungesa e vitaminave të veçanta, për shkak të ndryshimit të motit.
Përveç kësaj, plotësimi i vitaminave të veçanta gjithashtu mund të ndihmojë në mbrojtjen nga kushtet e motit të ftohtë.
Mungesa e diellit në dimër, i cili është burim i vitaminës D, shkakton dobësim të muskujve dhe vështirësi në të menduar.
Në terma afatgjate kjo mund të shkaktojë dhimbje në eshtra dhe të krijojë gjendjen e quajtur osteomalacia te të rriturit.
Vitaminën D mund ta kompensoni duke konsumuar peshk dhe mish të kuq. Po ashtu rekomandohet që të rriturit të marrin 10mcg suplement të vitaminës D çdo ditë, sidomos gjatë periudhës ndërmjet tetorit dhe marsit.
Vitamina C më herët është menduar se parandalon ftohjen, por një studim në vitin 2010 tregon se marrja e kësaj vitamine çdo ditë nuk redukton rrezikun nga ftohja.
Ajo çfarë kjo lloj vitamine mund të bëjë është, se redukton simptomat e ftohjes dhe kohëzgjatjen e saj.
Roli i vitaminës B12 në veçanti mund të ndihmojë gjatë muajve të ftohtë. Vitamina B12, e cila gjendet në mish, qumësht dhe djathë, nevojitet për krijimin e qelizave të kuqe të gjakut dhe nerva.
Edhe
Është ftohje, grip apo Covid? Si t’i shmangim format më të rënda
Ajo tregohet efikase për ata që vuajnë nga ndjenja e ankthit dhe depresionit.
Kjo është në veçanti e rëndësishme gjatë dimrit kur njerëzit preken më shumë nga ndjenja e depresionit.
