Vetëm pak javë më parë mjekët dhe infermierët në Itali ishin lartësuar si heronj, pasi që ishin ata që i ishin vënë në vijën e parë të frontit në luftën kundër pandemisë së koronavirusit, duke iu dalë në ndihmë pacientëve të prekur.
Ama tani ata po vuajnë.
“Shndërrimi në histori”
Lombardia ishte rajoni i goditur më së rëndi nga koronavirusi në botë dhe mjekët aty po e kanë të vështirë që të përmbahen.
Paolo Miranda është një infermier në njësinë e përkujdesjes intensive në qytetin italian të Cremonas.
“Jam më i irrituar”, pretendon ai. “Zemërohem lehtësisht dhe menjëherë përfshihem në zënka”.
Javë më parë Paolo vendosi që ta dokumentonte situatën e zymtë përbrenda njësisë së përkujdesjes intensive, duke bërë fotografi.
Edhe
Dy pandemitë e Italisë: COVID-i dhe mafia
“Kurrë nuk dua t’i harroj ato që na kanë ndodhur. Krejt kjo punë shumë shpejt do të shndërrohet në histori”, thotë ai zymtësisht.
Në fotografitë e tij ai synon të shpërfaqë se si kolegët e tij po e përballojnë me fazën e dytë, teksa jeta po i rikthehet dalëngadalë normalitetit në Itali.
“Megjithëse situata në emergjencë është tani dukshëm më e qetë, ndihemi si të rrethuar nga errësira”, ka thënë ai. “Është sikur të jemi të mbushur përplot me vragë. Bartim brenda më vete gjithçka që kemi parë me sytë tanë”.
