Uashington, 25 janar – Personat e moshuar që vuajnë nga gripi mund të rrezikojnë një krizë kardiake në gjashtë javët e para të infeksionit, sipas një studimi të publikuar dje dhe që rrit nevojën për të shtrirë gjerësisht vaksinimin.
“Ky rrezik për infarkt është më i lartë tek personat e moshuar”, nënvizojnë autorët e studimit të publikuar në “New England Journal of Medicine”(NEJM).
Këta të fundit konfirmojnë studimet e mëparshme që tregojnë një lidhje mes gripit, krizës kardiake dhe vdekshmërisë në rritje.
“Këto rezultate janë të rëndësishme sepse konfirmojnë ekzistencën e një lidhjeje mes gripit dhe infarktit miokardiak dhe rrit rëndësinë e vaksinimit”, nënvizon Jeff Kwong, në studiues në Institutin e Shkencave klinike dhe Shëndetin Publik të Ontarios në Kanada.
Studimi bazohet në rreth 20 000 raste të gripit të konfirmuara nga laboratoret në Ontario në vitet 2009-2014.
Edhe
Rriten rastet me grip, IKSHPK bën thirrje për vaksinim
Mes këtyre pacientëve, 332 janë shtruar në spital pas një krize kardiake në vitin që pasoi një infektim nga virusi i gripit.
Rreziku kardiak duket se ka qenë më i madh në shtatë ditët e para të gripit kryesisht tek personat e moshuar të infektuar nga një virus gripal i tipit B, si dhe ato që kanë pësuar një infarkt më parë.
