Ndërsa inteligjenca artificiale po ndërhyn pothuajse në çdo aspekt të jetës– nga puna tek argëtimi – lind pyetja: a është dikush që nuk është i entuziazmuar për këtë revolucion teknologjik? Përgjigjja duket se është po, dhe frika nga dominimi i AI-së po bëhet gjithnjë e më e pranishme, veçanërisht te brezat e rinj.
Scott Anthony, profesor në Kolegjin Dartmouth, ka thënë se po vëren gjithnjë e më shumë një ndjenjë frike, në vend të entuziazmit, tek studentët për të ardhmen e inteligjencës artificiale.
“Një nga gjërat që më habit vazhdimisht është sa të frikësuar janë studentët tanë nga përdorimi i tyre”, ka theksuar Anthony për platformat e AI-së. Ai shtoi se kjo frikë nuk lidhet vetëm me shqetësime akademike të zakonshme si kopjimi, por me një frikë më të thellë për humbjen e aftësive të të menduarit kritik duke ia deleguar detyrat një makinerie. Studentët, sipas tij, janë “plotësisht të tmerruar”.
“Ka diçka te inteligjenca artificiale që i bën njerëzit, mendoj unë, të shqetësohen se do ta humbasin njerëzoren e tyre nëse mbështeten shumë tek ajo”, shpjegoi Anthony, raportoi Index.
“Historia më mëson shumë qartë se, në mes të këtij lloj ndryshimi, gjithçka është shumë kaotike.”
Edhe Inteligjenca artificiale dhe arsimiHendek brezash në perceptim
Profesori e krahasoi ankthin e studentëve me entuziazmin e kolegëve të tij pedagogë, të cilët kryesisht janë të etur të provojnë mjetet më të fundit të AI-së. Arsyeja për këtë dallim nuk është e vështirë të kuptohet – ndërsa profesorët kanë vende pune të sigurta në universitete elitare, studentët që sapo hyjnë në tregun e punës përballen me një të ardhme shumë më të pasigurt në mes të shpërthimit të inteligjencës artificiale.
Shkenca konfirmon frikën
Shqetësimet e studentëve se përdorimi i tepërt i AI-së mund t’i bëjë ata më pak inteligjentë nuk janë të pabaza. Një studim ndau pjesëmarrësit në tre grupe që kishin për detyrë të shkruanin ese: një grup përdori modele të AI-së si chatbote, një tjetër përdori motorë të zakonshëm kërkimi në internet, dhe grupi i tretë ishte “vetëm-truri”.
Krahasuar me të tjerët, studiuesit zbuluan se grupi që përdori chatbote e kishte më të lehtë të shkruante esetë, por kjo “erdhi me një kosto, duke reduktuar prirjen e përdoruesve për të vlerësuar në mënyrë kritike rezultatin nga chatbotet”. Në thelb, përdoruesit e AI-së kishin më shumë gjasa të pranonin informacionin pa reflektim kritik.
Edhe
Frika nga inteligjenca artificiale i bën studentët në Britani të zgjedhin zanatet që nuk zëvendësohen
Nga ana tjetër, pjesëmarrësit në grupin “vetëm-truri” treguan aftësi më të mëdha të të menduarit.
